|
| 今日,大傻,大膠,同大佬終於係city相遇........
| | |
| 雖然我已經病到七彩,但係為左小May,我決定寫呢篇野.
今日2點幾就放學,大把時間剩,食完飯睇埋醫生就去圖書館坐坐,
點知俾我撞到小May...
遇到'膠達',點少得'膠'野呢?我覺得係繼扎肉變午餐肉後又一真心'膠'作
.不過今次說明有d難度,故有圖解釋 .
佢要影印d書,我就陪佢一齊影..
佢先將一本大書,即係A3縮到A4,因少少技術問題到第二次先成功,
跟手佢就將唔同頁數合併+縮放在一頁,要先儲存某一頁,再加另一頁.
暫時都好正常,但到影97-99三頁就有點問題,
97頁係單頁,佢唔想縮放就直頭照影,
咁就冇lala由打橫兩頁,變左打棟一頁,份notes就有一頁特別大兼直左
我覺得'膠'就唔算,不過就有d怪 .之後最激既野就發生.........
98,99係連頁,佢又諗住印落同一張....
佢竟然諗到先儲存98,再加99,咁都俾佢諗到...
我即刻叫佢就咁縮放咪得囉.
經過一段時間之後,即係兩秒,我突然醒覺
原來佢真係真心ga!!!
一個正常人(我)都會諗到縮放先,即使佢當日腦閉塞(我食完藥都溫溫燉燉),好似'膠'達咁合併都情有可原...
最過癮就係距離第一次縮印都唔夠三分鐘,'膠'達第一時間只可以諗到合併.
所以諗到頭都爆,都無法說服我佢係正常,
我只好講佢唔係玩玩下,佢係好真心,好真心既'膠'
'膠'達果然名不虛傳!!!!
另外,夜晚去M記我又遇到膠野,不過唔係小May...
同我收銀係個trainee,我買左$21野扲走
我先遞張一百蚊紙俾佢,再係褲袋揪個一蚊俾佢,
佢竟然同我講 "先生,呢一蚊唔洗架la."
我當堂呆左.......
我唯有解釋俾佢知佢找$80俾我就啱啱好,
佢先明個一蚊唔係因為我唔夠$先用黎找數.......
o係佢戇居居凝望住佢手上個張一百蚊之際,突然有個高度只到我條腰既細路女攝左上來我前面
話要買$8魚柳飽,佢好順手就收埋$兼砰埋個收銀機.
如果唔係我提一提佢,佢真係會唔記得.......
找番$80俾我!!!
佢又以為個妹妹仔係跟住我,d單搞到亂哂,
攪到幫佢跟單執野食o個個想質個魚柳飽落我到,問左我幾次係咪加多個魚柳飽,
我就係咁指住我下面,唔係,係我斜下方o個個被櫃台差點遮住既細路女......
個trainee雲遊仙境到咁只有幾個可能性:
1.佢低能既(睇個樣唔似)
2.佢嗑左藥
3.佢真心膠
4.佢新黎,有點手忙腳亂
求神拜佛,希望最後個項先係真 ....
| | |
| 星期日晚同大,三,四傻一齊食k記.4條友食兩個桶.
10點幾先到k記,差幾個字就拉閘,所以開始食就已經無乜人.
當晚k記d音樂太過迷幻,班傻仔即刻聞歌起舞(正確d應該係fing頭).
坐係到d人都望下佢地 ..........
首歌不停repeat,佢地一路fing,一路食炸雞..........
食完,搞成咁......
食完大傻仲走去問個職員o個首bgm係乜....個女仔都唔知... 但係佢叫大傻想要就錄左佢...
我相信佢係講緊笑, 可惜佢低估左大傻既威力
臨走前大傻踩上櫈用手機對住個speaker 去錄
果然名不虛傳
D職員都忍唔住笑,仲走出來問要唔要較大聲d
我地走個時,十幾個職員企係櫃台到笑.....吹脹
p.s. 依照規矩,由於不是大傻自發,而由女職員提出,故未能達到最高評級
否則聖經又創新一頁
| | |
| 無意中發現..........
島谷ひとみ 2007發行的album:
{男歌}~cover song collection~
| | |
|
